E relato di tur cos riba papel pa digital

by | Feb 25, 2021 | Tales of Transformation

Credito pa e fotonan: Cruz Cora Aruba y Cruz Cora Curaçao


Tracey Werleman, Coordinador Asistencia Social y Project Manager RK Aruba, ta splica con ta traha cu e e-vouchernan

Alcansando 3500% mas persona cu prome – e caminda di Cruz Cora pa digilitacion na e islanan den Caribe Hulandes ( Curaçao, Aruba y Sint Maarten).

E branchnan di Cruz Cora den e paisnan Caribe Hulandes, Aruba, Curaçao y Sint Maarten a mira nan trabou aumenta tremendamente, casi di nochi pa mainta, ora e corona crisis a hit nan. Nan a pasa di asistencia di 5 – 200 famia pa luna cu voucher pa cuminda pa yega na un cantidad enorme di 7000 famia pa cada branch. Con? Door di digitalisa mes ora nan operacionnan, cu ayudo di Cruz Cora Hulanda (NLRC) y su team di Data y Digital team 510.

Tecnologia ta importante, pero e manera di pensa ta determina si e ta traha bon

Lars Stevens, 510

E reto mas grandi tabata pa cambia e manera di pensa pa traha online”, Maisy Scharbay, branch manager di RC Curaçao, a bisa.

Actualmente e branchnan ta yuda 20-30% di e población cu cuminda y articulonan di higiena. Awor aki e ayudo ta wordo duna usando hermentnan digital.

Despues di e registracion personal online via Kobo, un fuente liber pa haya informacion mobil , ta pidi beneficiarionan potencial nan informacion personal si nan ta fit e criteria deseabel y ta puntra nan ki modalidad nan ta prefera (cuminda cayente, pakete di comestibel of e-voucher. E potencial beneficiario ta haya un yamada na telefon of cu Skype, durante cua ta check nan informacion personal. Tambe ta splica nan cu tin un criteria di seleccion y cu nan mester fit den esaki.



Unabes acepta, nan informacion ta wordo transporta di Kobo pa un base di informacion di un Customer Relation Management (Maneho di Relacion di Cliente) di unda tur ayudo y comunicacion ta cuminsa. E unico papel cu ainda ta wordo usa ta e lista di entrega cu e firma di e beneficiarionan, confirmando cu nan a ricibi e ayudo.

Si tin un sistema cu ta traha bon caba, no laga nos re-inventa e wiel

Maisy Scharbay, branch manager di RK Curaçao

Actualmente, hasta esakinan ta wordo gescan y warda online”, Caroline Delori, delegado regional di ayudo social di NLRC, ta bisa.

Trahando digital a drecha e comunicacion y compromiso cu e benificiarionan. Pa yuda e beneficiarionan a usa Twilio, un software gelink cu e database di CRM, cu por manda masa whatsapp y mensahenan di texto. Esaki kiermen cu comunicacion por pasa regularmente y si ta posibel, den e idioma preferi di e beneficiario. Nan ta haya un mensahe unabes cu nan e-voucher ta uploaded y ta informa nan kiko nan saldo ta.

A manda mas o menos 150.000 mensahe. Por ripiti e criteria di seleccion, pero a la ves por haya facilmente noticianan falso of scams. Tambe, nos nunca a haya asina un reaccion halto pa nos evaluacionnan ”, Tijs Ziere, Cash Information Manager di 510, kende a programa e CRM pa fit e necesidadnan di Cruz Cora den Caribe.


Cruz Cora team trahando digitalmente na Aruba

Posibelmente e parti menos bon di traha digitalmente ta cu e contacto directo di persona a reduci. Nos ta haya falta di e coneccion cu hende cara cara. Di otro banda, e moda di traha aki ta exactamente loke ta haci cu nos por haci nos trabou durante COVID mas proteha ”, Maisy Scharbay ta bisa.

Cambia un strategia durante un crisis socio-economico ta tuma tempo, locual no ta un escohencia facil, especialmente ora hende ta depende di e ayudo cu bo ta duna”, Michel La Haye, director di Cruz Cora Aruba ta bisa.

Sinembargo e ta convenci cu algo drastico mester a wordo haci. E ta smile, “Un paso atras temporalmente, mes ora a permiti pa tin un miho impacto y logro.

Cambia pa trahamento digital den un pais caminda traha cu banco online no tabata posibel prome cu e crisis, a mustra di ta un mehoracion y un desafio.

Dos boluntario a nenga literalmente pa usa un laptop. Mi a pone e laptop riba nan lessenaar toch. Hunto nos a discuti nan dificultad cu tecnologia nobo, pero tambe e potencial beneficionan cu e tin pa nos tur ”. Maisy Scharbay ta hari scondi: “Tin ora bo mester facilita cambio.

Realmente, tanto contrata maneho mas halto, como motiva pa traha digitalmente di principio, ta necesario pa un cambio suave y un cambio di manera di pensa.

Hende hoben ta un gran ganashi, door cu nan por desaroya e proceso digitalisa”, Caroline Delori ta bisa.


Dunando e e-vouchernan na Curaçao

Finalmente, e impacto ta mas grandi cu solamente pa e famia di Cruz Cora y e beneficiarionan so, ya cu cambio di e manera di pensa a socode riba e isla henter. Door di ta partner den e programa di ayudo, hopi organisacion a participa na e manera nobo di traha. Usando e software di CRM a permiti asina pa crea un database central den cua tur beneficiario (potencial) ta registra y evitando duplicacion. Di eynan, nan ta wordo apunta na un organisacion. Pa traha safe cu hopi hende y organisacionnan den e mesun database ta posibel ora por blokea informacion personal y autorisacion pa acceso den e sistema por wordo ahusta door di un miembro di e team.

Despues di algun ora di training solamente, hopi hende ya por traha den e sistema y pidi informacion no personal of grafico cu nan mester, mientras nos ta tene nos na e guia europeo pa privacidad GDPR“, Tijs Ziere ta bisa.

Digitalisacion ta esencial pa nos trabou den futuro. E por wordo organisa facilmente cu e manera di pensa positivo di e miembronan di team y cu algun ayudo di desplego internacional, uso di experticio di e team digital di data 510 y un compania di IT local

Laga nos yuda otro pa hiba un trabou significativo un paso mas dilanti”, Maisy Scharbay ta bisa.

Manera un dicho na Papiamento ta bisa: “Si un man laba otro, nan tur dos ta bira limpi”.

0 Comments

Leave a Reply

Share This